گڑگاؤں، 24 مارچ (ایس او نیوز؍آئی این ایس انڈیا) ہولی کے دن 35 سے 40 گنڈوں کے حملے کا شکار ہوا گرگرام مسلم خاندان اب گھسولا گاؤں چھوڑنے کی تیاری کر رہا ہے۔گزشتہ 15 سالوں سے گھسولا گاؤں میں رہ رہے اس خاندان کے سربراہ محمد ساجد نے بتایا کہ یا تو ہم دہلی جائیں گے یا اپنے گاؤں دھومس پور چلے جائیں گے،جو واقعہ یہاں ہوا ہے، وہ دوبارہ بھی ہو سکتا ہے،اگر ایسا واقعہ گاؤں میں ہوتا ہو ہمارے ساتھ 15۔20 لوگ کھڑے تو ہوتے،یہاں تو ہم مکمل طور اکیلے پڑ گئے تھے۔ساجد نے بتایا کہ جن لوگوں نے حملہ کیا وہ اس علاقے کے نہیں تھے،کیونکہ آس پاس کے لوگوں نے انہیں یا ان کے خاندان کو کبھی پریشان نہیں کیا،یہ گھر میرا خواب تھا،میں نے اسے بنانے کے لئے تقریبا 20 لاکھ روپے خرچ کئے تھے لیکن اب بہتر یہی ہوگا کہ ہم اسے چھوڑ دیں، ساجد نے بیوی اور چھ بچوں کے لئے دھومس پور گاؤں کے بھوپ سنگھ شہر کالونی میں تین سال پہلے ایک گھر بنایا تھا۔بھوڈسي پولیس اسٹیشن میں درج ایف آئی آر کے مطابق ساجد کے رشتہ دار ہولی کے دن ان کے گھر آئے تھے،ساجد کے بھتیجے دلشاد نے ایف آئی آر میں شکایت کی ہے کہ وہ لوگ گھر کے قریب خالی پلاٹ پر کرکٹ کھیل رہے تھے، تبھی کچھ لڑکوں نے ان سے بحث کرتے ہوئے کہا کہ تم لوگ یہاں کیا کر رہے ہو؟ پاکستان جاؤ اور وہاں کھیلو۔دلشاد نے بتایا کہ جب ساجد نے حملہ آوروں کو روکا تو موٹر سائیکل سے آئے دو لوگوں نے انہیں تھپڑ مار دیا،کچھ ہی دیر میں کچھ اور لوگ تلوار، چھڑی اور کھمبے لے کر آ گئے،سب گھر میں گھس گئے،ہم سب پر حملہ کیا اور گھر سے سامان چوری کر کے لے گئے، ساجد کی بیوی ثمینہ نے بتایا کہ میں نے مسلسل حملہ آوروں کو مار پیٹ کرنے سے منع کیا لیکن انہوں نے میری بتا نہیں سنی۔انہوں نے میرے کندھے اور رانوں پر بھی ڈنڈوں سے حملہ کیا۔متاثرین نے واقعہ کی ویڈیو بنا لی،جس میں صاف طور پر دکھائی دے رہا ہے کہ خاندان کے کچھ لوگ بچنے کے لئے چھت پر جاکر چھپ گئے،دروازے کو بند کر دیا، اگرچہ حملہ آوروں نے چھت کے دروازے کو بھی توڑنے کی کوشش کی تھی۔ویڈیو میں دکھائی دے رہا تھا کہ حملہ آور چھڑی اور ڈنڈوں سے ایک آدمی کو پیٹ رہے ہیں،جبکہ دوسرا ایک کونے میں پڑا ہے،دو خواتین حملہ آوروں سے منت کر رہی ہیں کہ وہ مارپیٹ نہ کریں۔